Khua knŭk kna tĭng dlăng, leh mâo dŭm Hdră mtrŭn, Asăp mtrŭn, Klei klah čŭn mơ̆ng Gưl dlông, Anôk dlăng bruă Đảng ƀuôn prŏng, bruă Đảng čar mơ̆ng 3 boh čar, ƀuôn prŏng pŏk ngă leh kjăp, pral, klă ênŭm, rơ̆ng wưng hluê ngă mơ̆ng ƀuôn prŏng, čar truh kơ nah gŭ, mjing klei sa ai hlăm dŭm Phŭn, dhar bruă, êpul êya.

Khua knŭk kna brei thâo, grăp alŭ wăl mâo klei găl mdê, hŏng ƀuôn prŏng Hồ Chí Minh, mrâo êgao mâo klei bi mlih phung khua kiă kriê gưl dlông mơ̆ng ƀuôn prŏng ƀiădah truh kơ ară hơĭt leh hdră mă bruă, dưi khuăt leh 15% ênoh anôk bruă lehanăn ênoh mnuih mă bruă hrŏ leh 20%. Khua knŭk kna lač, mơ̆ng hdră ksiêm dlăng tal anei ƀuh leh klei hriăm hlăm gru mngač êdah êdi, hdră ngă jăk, bi ênưih klei ngă hră mơar, mjing klei găl kơ anôk bruă duh mkra. Khua knŭk kna ăt mtă kơ 3 alŭ wăl mđing mđĭ kyar bruă duh mkra, mtrŭt mđĭ kyar ƀiădah ăt rơ̆ng hnơ̆ng klei hơĭt kjăp./.