Êlan êlan dơ̆ng pral Châu Đốc-Cần Thơ-Sóc Trăng mâo boh taih êbeh 188km, găn hlăm 4 čar, ƀuôn prŏng, mkra hŏng boh prŏng 4 grông êdeh, ênoh bi liê jih jang hlăm brô 45 êbâo êklai prăk. Mphŭn rŭ mkra mơ̆ng 6/2023, tĭng srăng bi leh hlăm thŭn 2026 lehanăn dưi ba yua jih jang hlăm thŭn 2027.

Khua knŭk kna Phạm Minh Chính lač, êlan dơ̆ng pral Châu Đốc - Cần Thơ - Sóc Trăng knư̆ bi leh hnưm knư̆ ba wĭt klei tŭ dưn jăk kơ lăn čar, lehanăn kơ krĭng dap mnai krông Cửu Long, boh nik hŏng dŭm čar, ƀuôn prŏng An Giang, Hậu Giang, Sóc Trăng, Cần Thơ brei mâo klei uêñ klam prŏng, dưn yua jih bruă kđi čar, êpul lĭng kahan mă bruă hŏng klei jih ai tiê hĭn. Phung ngă bruă čŏng mă bruă hŏng djăp klei găl kñăm bi leh pral./.