Hdră “Bi tuôm hŏng phung hđeh sang hră, phung hriăm gưl prŏng Việt Nam- China mơ̆ng dŭm ênuk” mâo Phŭn bruă hŏng tač êngao gĭt gai bi hgŭm hŏng Êpul hgŭm dŭm êpul bruă bi hgŭm Việt Nam leh anăn dŭm anôk bruă djŏ tuôm mkŏ mjing ƀri gưl bi hdơr 75 thŭn mkŏ mjing klei bi hgŭm Việt Nam - China leh anăn Thŭn mjĕ  êrô jăk siam Việt Nam - China 2025. Khua gĭt gai Đảng Tô Lâm nao leh anăn blŭ hrăm hlăm hdră.

Hdră mâo hlăm brô 800 čô bi ala nao hlăm klei bi kƀĭn, hlăm anăn 500 čô bi ala Việt Nam leh anăn 300 čô bi ala China. Anei jing dŭm ênuk phung hriăm gưl prŏng - phung tuôm ƀuh leh klei đĭ kyar bi hgŭm Việt - China. Êngao anăn, jing klei đru mguôp mơ̆ng phung bi ala mda asei - êdei anăp mơ̆ng lăn čar. Hdră mâo lu bruă ngă yuôm bhăn mâo: mă rup bi hdơr, dlăng klei rang mdah rup kơ klei bi hgŭm Việt Nam - China, mdah klei kdŏ mmuñ, dlăng klei mdah kơ 75 thŭn klei bi hgŭm dua ala čar, bi trông hŏng phung hđeh sang hră hđăp, phung hriăm gưl prŏng dua ala čar leh anăn bi blŭ hrăm kơ klei  bi hdơr hriăm hră, bruă hŏng tač êngao mtô bi hriăm.