K’iăng Khua knŭk kna mtă kơ dua tĭng lŏ dơ̆ng mđĭ ktang hĭn bruă bi trông êpul, boh nik êpul gưl dlông, mơ̆ng anăn ba klei bi hgŭm dua nah đĭ sa hnơ̆ng mrâo. Khua gĭt gai Hoyle lač dua ala čar adôk lu  klei găl čiăng pŏk mlar klei bi hgŭm hlăm dŭm bruă msĕ si mnia blei - bi liê, kreh knhâo - kdrăp mrâo, mtô bi hriăm, mdrao mgŭn - êa drao, mkra mjing mnơ̆ng ƀơ̆ng, hiu čhưn ênguê, mjĕ êrô mnuih ƀuôn sang… mbĭt anăn bi mklă Bruă kƀĭn ala nah gŭ Ăngle nao ai nanao, srăng đru kơ Knŭk kna dua ala čar hlăm bruă mđĭ ktang, bi êlam hĭn klei bi hgŭm dua nah.

Khua bruă kƀĭn ala nah gŭ ăt mtă kơ dua tĭng bi hgŭm hlăm dŭm bruă klei êđăp ênang, gang mkhư̆ phung ngă soh hlăm anăn mâo mkhư̆ klei hiu dôk soh hŏng hdră bhiăn. Ƀri gưl anei, K’iăng Khua knŭk kna leh anăn Khua bruă kƀĭn ala nah gŭ bi trông kơ lu bruă krĭng wăl leh anăn lu ala čar hdơ̆ng bi mđing.