Hlăm klei bi tuôm, k’iăng Khua knŭk kna Nguyễn Hòa Bình mñă ktang klei mjĕ giăm bruă kđi čar Việt Nam – Ala mtao Angle đĭ kyar jăk siam, dŭm knơng bruă Anglei mâo kơhưm, lu knơ̆ng bruă dưi tŭ jing ti Việt Nam leh anăn hmăng hmưi lŏ mâo lu hĭn phung duih bi liê Angle uêñ mĭn kơ dŭm mta bruă mđing tal êlâo mơ̆ng Việt Nam.

Hlăm wưng tar rŏng lăn mâo lu klei mlih ktang. K’iăng Khua knŭk kna mñă klă Việt Nam dôk mtrŭt mđĭ bruă mlih hdră kiă kriê, bi hơĭt wăl duh bi liê mnia mblei, iêo jak phung duh bi liê leh anăn bi liê ênoh lu, boh nik hlăm dŭm mta bruă mrâo msĕ si klei thâo mĭn anak mnuih mkra mjing (AI), bán dẫn, pui kmlă doh. Ruê̆ mông mă bruă, dua tĭng tŭ ư lŏ dơ̆ng bi mguôp kjăp hŏng pô bi ala leh anăn dŭm mbah mă bruă klă klơ̆ng, hrăm mbĭt mtrŭt mđĭ dŭm hdră kñăm bi mguôp leh anăn ba klei mjĕ giăm Việt Nam – Angle nao êlam hĭn, klă klơ̆ng leh anăn tŭ dưn.