Blŭ hrăm hlăm mmông mă bruă, Khua gĭt gai Đảng Tô Lâm lač klă, Đảng bi klă klei mđĭ kyar bruă duh mkra ala ƀuôn jing bruă klam yuôm bhăn, kyuanăn klei hưn mdah Bruă duh mkra ala ƀuôn jing klei hưn mdah thơ̆ng leh anăn yuôm bhăn hlăm hdră bi klă hdră êlan mơ̆ng Đảng. Mñă ktang, Klei hưn mdah mơ̆ng Êpul bruă jing klei hlăk mblang čiăng kơ bruă kđi čar mâo klei gĭr dưi mâo dŭm mta kñăm, Khua gĭt gai Đảng Tô Lâm mnă klă, mta kñăm kluôm mơ̆ng Klei kƀĭn phung bi ala kluô ala tal 14 mơ̆ng Đảng jing bi klă dŭm boh klei hdră êlan čiăng kơ lăn čar hơĭt kjăp đĭ kyar leh anăn lŏ dơ̆ng mđĭ hnơ̆ng klei hdĭp mnuih ƀuôn sang.

Khua gĭt gai Đảng mñă brei thâo săng kluôm kơ klei mjĕ giăm hơĭt kjăp čiăng mđĭ kyar hơĭt kjăp, mđing truh mta kñăm knhal tuč jing mđĭ hnơ̆ng klei hdĭp mnuih ƀuôn sang, bi djăp ênŭm klei čiăng ƀrư̆ hruê ƀrư̆ lu mơ̆ng mnuih ƀuôn sang, kyuanăn hlăm klei hưn mdah Bruă duh mkra ala ƀuôn srăng dưi bi êdah ai tiê anei. Klei gĭr anei srăng mđĭ kyar pral leh anăn hơĭt kjăp hlăm wưng kơ anăp kyuanăn srăng mâo klei mĭn mrâo, hdră ngă mrâo mâo knhuah kdlưn hĭn, sơnăk kơh dưi ngă djăp dŭm klei čuăn mâo leh.