Hrue 16/3/1975, jih jang djăp êpul êya hlăm čar Kon Tum mbĭt hŏng Sư đoàn 968 ksŭng mblah mâo mă alŭ wăl kđông kahan, anôk bruă kđi čar phŭn, lehanăn mâo sua mă jih wăl krah Kon Tum lehanăn krĭng dưr lăn dap kngư. Ti knăp bi hdơr, Lê Ngọc Tuấn, Khua knơ̆ng bruă sang čư̆ êa čar Kon Tum lač: Mâo sua mă Kon Tum jing bruă hƀuê ênuk kdrăm k’ah mơ̆ng bruă Đảng, lĭng kahan lehanăn jih jang djăp djuê ana hlăm čar, đru mguôp yuôm bhăn hlăm klei ksŭng mblah yan mnga sua wĭt kwar dhŭng hnŭk êngiê, hluh lir lăn čar thŭn 1975.

Dưn yua jih knhuah gru jhŏng ktang, leh 50 thŭn mâo klei êngiê, bruă Đảng, lĭng kahan lehanăn mnuih ƀuôn sang djăp djuê ana hlăm čar Kon Tum găn leh djăp mta klei dleh dlan, klei lông dlăng, rŭ mdơ̆ng mđĭ kyar ƀuôn sang mdrŏng sah jăk siam. Lu thŭn nanao mtam čar Kon Tum mâo klei đĭ kyar jăk. Truh kơ ară anei hnơ̆gn ênoh gŏ êsei ƀun mâo bi hrŏ adôk 4,31%; klei hdĭp mda mnuih ƀuôn sang dưi lŏ mđĭ, krĭng ƀuôn sang lehanăn ƀuôn prŏng bi mlih nanao./.