Blŭ hrăm ti knăm anei, Khua Anôk bruă ngă hră mơar gưl dlông Phan Đình Trạc mtă kơ dŭm bruă brei mđing hlăm hdră ksiêm dlăng mơ̆ng Êpul. Mtă kơ phung mă bruă ksiêm dlăng mơ̆ng Êpul tui ksiêm bi hgŭm kjăp hŏng dŭm gưl bruă Đảng, êpul bruă Đảng, anôk bruă bi leh jih mta kñăm, dŭm bruă brei mđing čiăng kơ hdră ksiêm dlăng dưi hluê ngă jăk, djŏ si klei kčah mtrŭn mơ̆ng Đảng hlăm bruă ksiêm dlăng rơ̆ng klei klă mngač, tŭ dưn.

Mta kñăm knhal tuič mơ̆ng hdră ksiêm dlăng jing đru hluê ngă jăk hĭn, tŭ dưn hĭn Hdră mtrŭn 13 mơ̆ng Đảng, Hdră mtrŭn Klei bi kƀĭn bruă Đảng čar. Hdră ksiêm dlăng anei ƀuh leh klei gĭr, dŭm boh tŭ dưi mâo, dŭm hdră ngă jăk, klei thâo lehanăn dŭm klei dleh dlan, gun kpăk brei msir mghaih./.