VOV4.Êđê- Aguah 18/5, êpul ktuê dlăng mơ̆ng Dhar bruă hdră bhiăn mơ̆ng Bruă kƀĭn ala gưl XV mâo Nguyễn Trường Giang,  K’iăng Khua Dhar bruă hdră bhiăn ngă khua êpul, mâo mmông mă bruă hŏng čar Dak lak kơ klei hlue ngă hdră bhiăn kơ hnơ̆ng čuăn, klei găl jao bruă kơ phung kriê dlăng leh anăn bruă kriê dlăng phung mă bruă hlue si anăn bruă knuă. Yap truh hruê 31/12/2021 ênoh phung mă bruă knŭk kn akluôm čar mâo êbeh 37 êbâo čô, hlăm anăn mnuih djuê ƀiă mâo 12,5%.

Khua gĭt gai čar Dak Lak lač kơ dŭm klei dleh dlan leh anăn akâo: bruă jao phung ngă bruă kriê dlăng, boh nik ti dŭm anôk bruă mtô bi hruăm, mdrao mgŭn adôk mâo lu klei êdu kƀah, kyua mâo klei mtŭk mtŭl kơ hdră kčah mtô bi hriăm phung khua gĭt gai, kriê dlăng hlue si bruă mă. Bi mni kơ bruă hlue ngă hdră kčah mơ̆ng hdra wbhiăn kơ hnơ̆ng čuăn, klei găl jao bruă kriê dlăng phung mă bruă mơ̆ng čar, K’iăng Khua Dhar bruă hdră bhiăn mơ̆ng Bruă kƀĭn ala Nguyễn Trường Giang ăt brei thâo, êpul srăng bi klin klei akâo, klei blŭ mguôp mơ̆ng čar hưn hŏng Dhar bruă hdră bhiăn mơ̆ng bruă kƀĭn ala ksiêm dlăng, brei klei blŭ mguôp čiăng mâo dŭm klei kčĕ, mlih mrâo bi djŏ guôp hŏng boh sĭt./.

                                               Pô mblang: H’Zawut Ƀuôn Yă