K’iăng Khua knŭk kna Trần Lưu Quang gĭt gai  mmông mmă briă. Dŭm klei hưn mdah bi mklă, Lăn Dap Kngư mâo lu klei tŭ hlăm bruă mđĭ kyar bruă duh mkra msĕ si: Lŏ hma, tuh tia mkra mjing lŏ hma, kyâo, êa pui êwa čuh, mđĭ ktar bruă mkra mjing bauxite, hiu čhưn ênguê mguôp hŏng dhar kreh djuê ana. Khădah snăn, mđĭ kyar bruă duh mkra krĭng ka mâo klei êdah êdi, dŭm bruă duh mkra phŭn đru mguôp ka klă.

Khua gĭt gai dŭm čar Lăn Dap Kngư lač, hŏng klei găl yuôm bhăn, brei Lăn Dap Kngư mâo klei bhiăn mdê hjăn kơ krĭng đĭ lar klei găl, tlaih mơ̆ng krĭng tlung mơ̆ng kluôm ala. Tŭ ư hŏng klei mĭn anăn, K’iăng Khua knŭk kna Trần Lưu Quang mñă klă, Lăn Dap Kngư jing krĭng mâo bruă klam yuôm bhăn kơ bruă duh mkra, kđi čar, ala ƀuôn, lĭng kahan, klei êđăp ênang kluôm ala, anăn ai tiê mbĭt jing brei mâo klei mđing kơ klei bhiăn, hdră êlan, klei găl kơ krĭng wăl anei hlăm wưng kơ anăp.