Êpul bi lông, bi ktưn mrô 2, mâo Êpul mkŏ mjing mơ̆ng 13 bruă Đảng čar, ƀuôn prŏng krĭng kwar krah – Lăn Dap Kngư. Mơ̆ng Êpul mkŏ mjing bruă Đảng ƀuôn prŏng Đà Nẵng jing khua êpul. Thŭn 2023, Êpul mkŏ mjing dŭm čar, ƀuôn prŏng hlăm êpul bi lông dưi bi klă, mkŏ mjing hdră êlan ngă bruă thŭn, hrŏng ruah dŭm bruă klam kñăm, mkŏ mjing hdră êlan klă klơ̆ng hlăm grăp mlan, grăp wưng tlâo mlan čiăng kñăm đru kčĕ, hluê ngă hdră êlan mâo leh.

Bruă bi kjăp, mkŏ mjing Đảng, đĭ kyar Đảng viên mâo êpul bi lông bi ktưn uêñ mĭn, mâo leh lu klei bi hmô, hdră ngă bruă jăk čiăng mđĭ hnơ̆ng tŭ jăk klei ngă bruă. Dŭm alŭ wăl mlih mrâo hdră bi klă, dăp hnơ̆ng đảng viên rơ̆ng kơ hnơ̆ng tŭ jăk, kñăm kơ bruă ksiêm dlăng, ktuê dlăng, hmao ƀư̆ mkra dŭm klei êdu kƀah đru hyuă kjăp hdră bhiăn, ba bruă knuă druh, đảng viên ƀrư̆ hruê ƀrư̆ djŏ hŏng hdră bhiăn hĭn.