VOV4.Êđê- Tlam mbrue (23/5), Êpul ngă bruă mrô 6 mâo Đại tướng Lương Cường, Khua knơ̆ng kiă kriê bruă kđi čar lĭng kahan yang ƀuôn Việt Nam, dôk hlăm Êpul kiă kriê bruă kdơ̆ng hŏng klei ƀơ̆ng ngăn ngă khua êpul mâo leh mmông ngă bruă hŏng Anôk bruă Đảng Phŭn bruă êlan klông. Đại tướng Lương Cường mtă, jih jang phung ngă bruă hlăm Êpul bruă kiă kriê mnuih ngă bruă hlăm bruă Đảng Phŭn bruă êlan klông ksiêm bi nik hlăm hdră mrô 18 mơ̆ng Êpul kiă kriê gưl dlông kdơ̆ng hŏng klei ƀơ̆ng ngăn, boh nik hlăm gưl ksiêm wĭt bruă mơ̆ng thŭn 2011 truh kơ ară anei ti Phŭn bruă êlan klông dŭ mdiăng. Boh nik, bi êdah djăp mta klei dleh dlan, klei gun kpăk hlăm bruă ksiêm wĭt, klei akâo čiăng kơ êpul ngă bruă bi klin, akâo hdră êlan ruh mgaih hlăm kluôm ala wưng kơ anăp./.

Pô mblang: Y-Khem Niê