K’iăng Khua knŭk kna Trần Hồng Hà, sa čô hlăm êpul ngă bruă hmăng hmưi mơ̆ng boh sĭt, dŭm alŭ wăl đru mguôp klei blŭ leh anăn hlăk mblang klă phŭn agha dŭm boh tŭ dưn hlăm wưng păn bruă êgao, bi êdah dŭm bruă klam yuôm bhăn čiăng ngă hlăm wưng 5 thŭn kơ anăp.

Êpul bruă duh mkra ala ƀuôn kơ klei kƀĭn Kluôm bruă Đảng tal 14 srăng mđing hmư̆ dŭm klei blŭ mguôp mơ̆ng alŭ wăl kơ anăn knăl krĭng, mnơ̆ng dhơ̆ng alŭ wăl, klei găl, ai ktang, dŭm klei mdê hĭn mơ̆ng krĭng. Êngao kơnăn jing dŭm klei găl, hdră êlan mkŏ krĭng, dŭm klei mĭn mrâo čiăng kơ Êpul bruă duh mkra ala ƀuôn mđing hmư̆, ksiêm duah leh anăn čih mkra hră mơar Klei kƀĭn kluôm tal 14 mơng Đảng djŏ hŏng klei čuăn hlăm boh sĭt klei hdĭp.