Blŭ hlăm mmông mă bruă, Khua phŭn bruă hŏng tač êngao Bùi Thanh Sơn čih yap, pah mni boh tŭ dưn čar Kon Tum dưi mâo hlăm klei mđĭ kyar bruă duh mkra ala ƀuôn, mbĭt anăn mñă ktang: Hŏng anôk mdê hĭn, mbĭt hŏng bruă klam bi kjăp bruă lĭng kahan, klei mđĭ kyar bruă duh mkra ala ƀuôn mơ̆ng čar Kon Tum mâo klei hmăi prŏng kơ krĭng Lăn Dăp Kngư ăt msĕ mơh hlăm 3 kiêng đĭ kyar Việt Nam- Lào- Campuchia.

Hlăm wưng dôk mâo lu klei dleh dlan, klei lông dlăng, knŭk kna mdưm lu klei hmăng hmưi thŭn 2024 srăng ngă dŭm bruă klam jăk hĭn hŏng thŭn 2023 čiăng mkŏ mjing boh krŭt bi leh dŭm mta kñăm mâo Klei kƀĭn kluôm tal 13 mơ̆ng Đảng ba mdah leh. Čiăng kơ bruă duh mkra ala ƀuôn čar Kon Tum đĭ kyar srăng thâo klă klei dleh dlan, mâo hdră êlan hmao ruh mgaih, mbĭt anăn dưi bi lar klei găl mâo mơ̆ng pô.