Kơ boh klei duh mkra mnia mblei, klei duh bi liê lehanăn rŭ mkra bruă nah gŭ, lehanăn bruă bi mnia mblei hŏng ala tač êngao. Leh nao ksiêm jih jang bruă jing dŭm mta bruă phŭn hlăm čar, ti anôk ngă bruă hŏng knơ̆ng bruă sang čư̆ êa čar Kon Tum, Khua phŭn bruă hŏng tač êngao Bùi Thanh Sơn ksiêm wĭt jih jang klei gĭr mơ̆ng čar, jing sa hlăm dŭm čar ba akŏ mơ̆ng lăn dap kngư.

Snăn kơ dŭm klei awăt kƀah kơ klei duh mkra mnia mblei 4 mlan akŏ thŭn 2023, khua phŭn bruă hŏng tač êngao mtă kơ čar păn kjăp jih jang klei khua knŭk kna kčĕ hlue si asăp mtrŭn mrô 08 kơ bruă duh bi liê ngăn prăk knŭk kna jing bruă tal êlâo yuôm bhăn snăk. Mtă kơ phŭn bruă rŭ mdơ̆ng, phŭn bruă ngăn dŏ wăl hdĭp mda ksiêm kơ jih klei čar Kon Tum akâo, lehanăn pral mâo klei hưn lehanăn kăp kčĕ kơ knŭk kna mâo hdră čuăl mkă pral klei djă yua lăn, čuăl mkă ƀuôn prŏng./.