Ti knăm anei, Êpul phung mniê mă bruă duh mkra mnia mblei čar Dak Lak siñê leh hră m’ar bi hdơr hgŭm bruă hŏng Êpul phung mniê mă bruă duh mkra mnia mblei Dhŭng Korea ti Dưr Gyeonggi. Dŭm anôk bruă duh mkra dua tĭng bi mklă leh 23 hră m’ar bi hdơr hgŭm bruă hlăm hdră hiu čhưn ênguê, bruă lŏ hma, mnơ̆ng bi msiam ƀô̆ mta, hdră đru kơ yang ƀuôn.

Bruă bi mklă anei jing sa knhuang nao yuôm bhăn pŏk klei găl mrâo, đru kơ phung mniê mă bruă duh mkra mnia mblei tui hriăm, kah mbha klei thâo lehanăn pŏk lu hdră bi mnia mblei, mtrŭt mđĭ kyar bruă duh mkra ala ƀuôn.  Êpul phung mniê mă bruă duh mkra mnia mblei čar Dak Lak mă lu mta bruă. Ƀri gưl anei, Êpul bi mklă lu mta hră m’ar kơ hdră mnia mblei, dlăng kriê mnuih khua mduôn, mnơ̆ng ƀơ̆ng huă./.