VOV4.Êđê - Êbeh 1 hruê kăm êgao, leh Võ Ngọc Thành - Khua dlăng bruă Đảng, Khua knơ̆ng bruă sang čư̆ êa čar arăng brei mdei ngă bruă Đảng, Khua dlăng bruă Đảng Knơ̆ng bruă sang čư̆ êa čar bi kƀĭn, mbha bruă kơ phung K’iăng Khua Knơ̆ng bruă ti anôk bruă anei.

Hlue anăn, Đỗ Tiến Đông - K’iăng Khua Knơ̆ng bruă sang čư̆ êa čar Gia Lai dưi jao ngă khua gĭt gai, kriê dlăng jih bruă ngă hlăm klei dưi mơ̆ng Khua Knơ̆ng bruă sang čư̆ êa čar. Kpă Thuyên- K’iăng Khua Knơ̆ng bruă sang čư̆ êa čar Gia Lai klam bruă gĭt gai dŭm bruă: lŏ hma; wăl hdĭp mda, bruă djuê ana. Nguyễn Thị Thang Lịch - K’iăng Khua Knơ̆ng bruă sang čư̆ êa čar klam bruă gĭt gai bruă dhar kreh sang hră, mdrao mgŭn ênoh mnuih ƀuôn sang, klei đăo. Hồ Phước Thành- K’iăng Khua Knơ̆ng bruă sang čư̆ êa čar ktuê dlăng, klam bruă gĭt gai bruă duh mkra mâo hdră kčah, ngăn prăk, mnia blei…

H’ Zawut pô mblang