Mâo hŏng anei 70 thŭn, phung knuă druh, lĭng kahan leh anăn mnuih ƀuôn sang dŭm djuê ana čar Gia Lai hŏng ai tiê jhŏng ktang mâo klei bi mguôp kdơ̆ng blah, bi lar knhuah gru jhŏng ktang mơ̆ng ayŏng ama, ngă mâo klei mblah dưi Đăk Pơ. Klei blah dưi anei dưi bi hmô msĕ si klei mblah dưi Điện Biên Phủ wăl kahan 5, jing klei mblah dưi hbuê ênuk leh anăn boh tŭ dưn yuôm bhăn.

Klei mblah dưi Đăk Pơ bi hluh êlan dơ̆ng phŭn, mkŏ mjing dŭm klei mblah dưi hing ang ti krĭng ngŏ Gia Lai – Kon Tum, mkŏ mjing klei găl leh anăn kpĭ čiăng kơ Prăng bi klă klei kuôl kă Geneve 1954. Mơ̆ng sa kdriêk ƀun ƀin, truh kơ ară anei mâo klei đĭ kyar bruă duh mkra ala ƀuôn ti hnơ̆ng kluôm. Klei hdĭp mnuih ƀuôn sang amâo mâo mdei đĭ kyar, dhar kreh dưi kriê pioh leh anăn bi lar.