Hruê 30/9, Đinh Văn Thanh ti wăl krah Đak Pơ hlăk êjai čuh hli čiăng mkra sang snăn ƀuh lu klang mnuih, leh anăn đa đa mnơ̆ng yua msĕ giêt êa, kdô hŏng klĭt, giê čih, tur hdruôm jơ̆ng ksu leh anăn lu boh phao. Ñu hưn leh hŏng anôk bruă djŏ tuôm. Leh hmư̆ klei hâo hưn, Êpul K52 čar Gia Lai ba knuă druh, lĭng kahan hŏng kdrăp mnơ̆ng hiu duah leh anăn kuai mƀĭn klang mnuih ti krĭng anei.

Êpul K52 bi mklă ênoh klang mnuih đăo tĭng hlăm brô 32 čô, arăng ba dơr amâo dăp pruê̆ ôh. Ară anei êpul lĭng kahan čar Gia Lai lŏ dơ̆ng duah klei hâo hưn, bi tuôm hŏng phung tuôm găn klei bi blah ti Đak Pơ čiăng mbŏ hră mơar. Mbĭt anăn, Êpul K52 srăng pŏk mlar krĭng hiu duah leh anăn kuai bi nik tal lăn čiăng bi mklă grăp klang kleh phung êngiă asei.