Ti ƀuôn prŏng Quy Nhơn, anôk mphŭn pŏk thŭn hiu čhưn ênguê ala čar - Gia Lai 2026, dŭm anôk mdei msăn čŏng pô ksiêm dlăng kluôm kdrăp gang mkhư̆, truih mdjiê pui.

 Ti Anya Premier Hotel Quy Nhơn, anôk bruă lŏ ksiêm dlăng kdrăp čŏng hưn klei pui ƀơ̆ng, anôk kiă kriê, êlan đuĕ ăt msĕ mơh dŭm kdrăp truih mdjiê pui tinăn mtam, bi mguôp hŏng kahan truih mdjiê pui mkŏ mjing dŭm hdră êlan bi mdrơ̆ng êjai mâo klei mjêč.

Thượng tá Đậu Văn Huy - k’iăng khua adŭ bruă kahan truih mdjiê pui, kahan ksiêm čar Gia Lai mnă ktang, bruă hyuă kjăp bruă gang mkhư̆ klei pui ƀơ̆ng amâo djŏ knŏng bruă klam mơ̆ng êpul bruă, ƀiădah lŏ jing bruă klam mơ̆ng grăp anôk bruă, grăp čô mnuih mă bruă čiăng đru mkŏ mjing čar Gia Lai jing anôk truh êđăp ênang, jăk. Hlăm hruê kăm mphŭn pŏk thŭn hiu čhưn ênguê ala čar 2026 ti Gia Lai, mĭn tĭng drông hlăm brô 70 êbâo gưl čô tuê, klei kpĭ răng mgang klei êđăp ênang jing prŏng sơnăk. Čŏng pô mơ̆ng hnưm, mơ̆ng kbưi leh anăn hrăm mbĭt, srăng đru kơ phung tuê hơĭt ai tiê êjai truh hŏng Gia Lai.