VOV4.Êđê - Hlăm wưng giăm anei ênoh êa săng, êa pui mtrŭn leh mâo 3 blư̆, ƀiădah ênoh ênil dŭm mta mnơ̆ng yua mkăn ti Gialai ăt ka mtrŭn ôh. Sang mnia Coopmark Pleiku lač, êlâo kơ mâo klei êa săng, êa pui trŭn, snăn sang čhĭ mnia anei hgŭm leh hŏng anôk mkăp mnơ̆ng mnuă mâo hdră bi hrŏ ênoh čhĭ hlăm wưng kơ anăp, kơ dŭm mta mnơ̆ng yua aguah tlam.

Kñăm čiăng dưi kiă kriê klei mnia mblei, bi kdơ̆ng hŏng jih klei ngă soh hŏng hdră bhiăn êjai bi mnia mblei, lehanăn kñăm čiăng bi hơĭt ênoh ênil čhĭ mnia, Anôk bruă kiă kriê klei mnia mblei čar Gialai mbĭt hŏng dŭm dhar bruă djŏ tuôm bi ksiêm dlăng klei mnia mblei. Boh nik, mđing hlăm dŭm mta mnơ̆ng yua aguah tlam, čiăng rơ̆ng mâo klei tŭ dưn kơ mnuih yua, đru bi hơĭt klei čhĭ mnia mnơ̆ng dhơ̆ng./.

Y-Khem pô mblang