VOV4.Êđê- Hruê 22/8, hŏng lu čar, ƀuôn prŏng mkăn hlăm kluôm ala, hđeh sang hră adŭ 1 ti Gia Lai hur har nao sang hră. Dua hrue kăm nao sang hră êlâo kơ hruê mphŭn pŏk thŭn hruăm đru kơ phung hđeh lŏ mđĭ klei thâo leh anăn mprăp thiăm lu klei thâo čoăng ktưn hưn mŭt hlăm thŭn hriăm mrâo. Thŭn hriăm 2022-2023, kluôm čar Gia Lai mâo 209 sang hră gưl sa, mâo 1.200 adŭ 1, leh anăn giăm 35 êbâo čô hđeh sang hră.

Êlâo anăn, Knơ̆ng bruă sang hră mtô bi hriăm mâo leh hră mơar mtă kơ dŭm Adŭ sang hră mtô bi hriăm gĭt gai dŭm knơ̆ng bruă sang hră mâo gưl sa hlăm klei dưi kriê dlăng mprăp jăk dŭm klei găl drông hđeh adŭ 1 nao sang hră hnưm hĭn 2 hruê kăm mkă hŏng hruê mphŭn pŏk thŭn hriăm, đru phung hđeh mưng hlăm sang hră gưl sa leh anăn bruă ba yua hdruôm hră mơar, mnơ̆ng yua hriăm hră./.

Pô mblang: H’Zawut Ƀuôn Yă