Gia Lai: hrue mơak êlan klông amâo mâo săp êdeh kơ boh lăn mtah
Thứ hai, 10:49, 17/04/2023
VOV Tây Nguyên
VOV Tây Nguyên
VOV4.Êđê- Aguah mbrue, ti Sang dhar kreh hđeh êlăk ƀuôn prŏng Pleiku (čar Gia Lai), Êpul bruă kiă kriê klei êđăp ênang êlan klông car lehanăn knơ̆ng bruă sang čư̆ êa ƀuôn prŏng Pleiku bi hgŭm leh hŏng keh đru krơ̆ng kơ klei truh ti Asi, dhar bruă răng mgang klei êđăp ênang êlan klông mkŏ mjing hrue mơak amâo mâo săp êdeh kơ boh lăn mtah thŭn 2023.
Thŭn anei, jing thŭn tal 5 jih jang bruă mtrŭt mjhar hđeh hriăm hră lehanăn jih jang yang ƀuôn bi ba yua êdeh êdâo ƀiă săp, kñăm truh kơ klei răng kriê boh lăn mtah, ba wĭt klei doh siam hĭn kơ klei hdĭp.
Hlăm hrue mơak anei, mkŏ mjing klei đĭ êdeh wai jơ̆ng hlăm dŭm kdrêč êlan klông hlăm ƀuôn prŏng Pleiku kñăm mđĭ ai jih jang mnuih bi thâo răng kriê wăl hdĭp mda pô. Hlăm bruă anei Êpul hgŭm keh anei lŏ mđup brei leh 50 boh êdeh wai jơ̆ng kơ hđeh hriăm hră dleh dlan hlăm ƀuôn prŏng Pleiku.
Viết bình luận