Tui si hdră mơ̆ng anôk tui duah klei duh bi liê lehanăn hgŭm bruă mơ̆ng čar Gia Lai hưn, hlăm ênoh 138 mta bruă snăn mâo leh 24 mta bruă bi lông mđĭ ênoh kơ klei dưi djă yua lăn. Klei năng mđing jing, mâo lu mta bruă prŏng dưi bi trông hlăm dŭm alŭ wăl phŭn, jing kdơ̆ng kơ klei mđĭ kyar.

Ti ƀuôn hgŭm Pleiku mâo alŭ wăl ƀuôn prŏng CK54 hŏng ênhă 65,8 ha lehanăn alŭ wăl ƀuôn prŏng yap jing lăn mnga êa siam  Trà Đa prŏng 53 ha. Êngao anăn lŏ mâo dŭm alŭ wăl mnuih ƀuôn sang dôk ti ƀuôn hgŭm Đức Cơ (12,21 ha) lehanăn ƀuôn hgŭm Cát Tiến (15 ha). Hlăm bruă bi êdah dŭm mta bruă kơ klei duh bi liê, čar čang hmăng srăng dưi iêo jak lehanăn dưn yua lăn ala hŏng klei tŭ dưn, đru mđĭ kyar bruă duh mkra ala ƀuôn, ƀrư̆ ƀrư̆ bi leh bruă rŭ mdơ̆ng ƀuôn prŏng, anôk duh mkra mnia mblei lehanăn hiu čhưn ênguê hlăm čar hlăm wưng tinăp./.