VOV4.Êđê- Tlam mbruê, Kahan ksiêm čar Gia Lai mkŏ mjing leh Knăm hưn mthâo klei bi mklă mơ̆ng Phŭn bruă kahan ksiêm kơ bruă ruah Trung tá Ksor H'Bơ Khăp păn ngă K’iăng khua anôk bruă kahan ksiêm čar Gia Lai. Aduôn Trung tá Ksor H'Bơ Khăp ăt jing K’iăng khua kahan ksiêm jing mniê mnuih Jarai tal êlâo ti anôk bruă kahan ksiêm Gia Lai. Ti knăm anei, Rah Lan Lâm – Khua anôk bruă kahan ksiêm čar Gia Lai brei thâo, Trung tá Ksor H'Bơ Khăp kkiêng thŭn 1982, ƀuôn sang ti să Ia Trok, kdriêk Ia Pa, čar Gia Lai, hriăm thạc sĩ thơ̆ng kơ bruă ksiêm dlăng phung ngă soh.

Trung tá Ksor H'Bơ Khăp găn leh 16 thŭn păn lu bruă mdê mdê ti wăl krah Ayŭn Pa, msĕ si: K’iăng khua anôk bruă kahan ksiêm, Khua anôk bruă kahan ksiêm, jing pô kiă kriê mâo klei thâo. Trung tá Ksor H'Bơ Khăp jing mniê K’iăng khua anôk bruă kahan ksiêm tal êlâo ti Anôk bruă kahan ksiêm čar Gia Lai. Tŭ mă bruă klam mrâo, ñu ƀuăn srăng mđĭ lar knhuah gru mơ̆ng lĭng kahan yang ƀuôn, amâo mdei tui hriăm čiăng bi leh jih bruă klam mâo kčah jao./.

                                                    Pô mblang: H’Nêč Êñuôl