Đoàn Hữu Dũng- Khua knơ̆ng bruă êlan klông leh anăn dŭ mdiăng čar Gia Lai brei thâo, čiăng ngă dŭm mta hră mơar djŏ tuôm hŏng hdră, Bruă sang čư êa 2 čar Gia Lai leh anăn Bình Định mâo leh klei mă bruă hŏng knơ̆ng bruă kriê dlăng ngăn prăk ti knhal jing thŭn 2023.

Boh tŭ dưn anei brei ƀuh, hdră êlan hluê ngă bruă rŭ mjing êlan dơ̆ng pral Pleiku - Quy Nhơn hluê si hdră bi mguôp knŭk kna – êngao knŭk kna dleh dưi ngă, kyuanăn čiăng lŏ ksiêm dlăng hluê si hdră duh bi liê bruă knŭk kna. Kyuanăn, Knơ̆ng bruă êlan klông leh anăn dŭ mdiăng mâo leh klei tĭng mkă, kčĕ bi hrŏ boh taih mơ̆ng 151 km jing 143km leh anăn lui hĕ êlan mdei mjêč ti dŭm bĭt kban ti êlan dơ̆ng pral. Mơ̆ng anăn, prăk duh bi liê năng ai srăng hŏng mơ̆ng 44.200 adôk mă êbeh 37.600 êklai prăk, hrŏ êbeh 6.500 êklai prăk mkă hŏng klei tĭng mkă êlâo.