VOV4.Êđê - Tlam hruê 1/8, Knơ̆ng gĭt gai kahan răng mgang knông lăn Gia Lai mkŏ mjing Klei kƀĭn ksiêm wĭt boh klei čhĭ 7 čô êdam mnuih Jarai kơ Campuchia. Anôk thơ̆ng kơ bruă bi mklă leh klei soh “Tlĕ čhĭ mnuih” hŏng Trần Quang Quyết (dôk ti kdriêk Ia H'Drai, čar Kon Tum) lehanăn Phan Ngọc Đức (dôk ti kdriêk Quỳ Châu, čar Nghệ An). 3 čô djŏ tuôm mâo Cầm Bá Sáu, Nguyễn Đức Tâm (ti kdriêk Ia Grai) lehanăn Lục Quang Trường (kdriêk Ia H'Drai, čar Kon Tum).  

Anôk thơ̆ng kơ bruă brei gŏ sang Trần Quang Quyết lehanăn mnuih djŏ tuôm ba jao ênoh prăk 28.000.000 prăk lehanăn dŭm mta mnơ̆ng djŏ tuôm hlăm boh klei anei. Ară anei, êpul kahan răng mgang knông lăn Gia Lai dôk mđĭ hdră mtô mblang ti krĭng mnuih djuê ƀiă kñăm mđĭ klei răng hŏng mnêč mplư, tlĕ čhĭ mnuih kơ Campuchia soh hŏng hdră bhiăn./.

H’Nêč pô mblang