VOV4.Êđê - Tlam mbruê, kahan ksiêm čar Gia Lai mơ̆ng mjing leh klei kbĭn trông ksiêm wĭt 5 thŭn klei mtrŭt mjhar “Mkŏ mjing knhuah kahan ksiêm jhŏng, thâo mbruă, kyua mnuih ƀuôn sang”. Leh 5 thŭn hluê ngă klei mtrŭt mjhar, dŭm anôk bruă, alŭ wăl, êpul hđeh êdam êra, êpul phung mniê kahan ksiêm čar Gia Lai dưi mkŏ mjing, hluê ngă êbeh 200 klei bi hmô.

Hlăm anăn, klei bi hmô “4 mbĭt” mơ̆ng adŭ bruă klei êđăp ênang čar dưi hyuă kjăp leh klei bi mguôp mơ̆ng êpul êya kahan ksiêm hŏng krĭng mnuih djuê ƀiă, mđĭ ai, mtô mjuăt lu mnuih tuôm ngă soh lŏ wĭt ngă bruă jăk, ñu kma hŏng yang ƀuôn. Hlăm 5 thŭn, êbeh 1000 gưl êpul êya, êbeh 3.600 gưl mnuih mâo bruă ngă kdlưn hĭn, dưi mâo klei pah mni ala čar.

Y-Ƀel pô mblang