VOV4.Êđê- Leh 2 hruê kăm mkŏ mjing klei hriăm ti sang hră kơ phung hđeh sang hră, knơ̆ng bruă mtô mjuăt bi hriăm čar Gia Lai čih yap mâo êbeh 1000 čô hđeh sang hră leh anăn phung nai djŏ klei ruă tưp Covid-19. Mmông anei, dŭm anôk bruă mtô mjuăt bi hriăm hlăm čar lŏ dơ̆ng tui ngă jăk bruă gang mkhư̆ klei ruă tưp leh anăn tui ngă hŏng klei mbruă dŭm hdră mtô mjuăt bi hriăm. Lŏ dơ̆ng ngă klei mtă mơ̆ng knơ̆ng bruă mdrao mgŭn leh anăn knơ̆ng bruă mtô mjuăt bi hriăm hlăm bruă gang mkhư̆ klei ruă tưp Covid-19 ti sang hră mơar.

Dŭm sang hră mâo F0 srăng ngă mtam klei bi ktlah bruă mdrao mgŭn hŏng dŭm čô mâo klei ruă leh anăn brei dŭm adŭ mâo F0 srăng hriăm hŏng êlan online hlăm wang sa hruê kăm. Hlăm hruê mmông kơ anăp, hluê si klei gĭt gai mơ̆ng knơ̆ng bruă mtô mjuăt bi hriăm, dŭm anôk mtô mjuăt bi hriăm srăng lŏ hâo hưn jăk hŏng phung amĭ ama, hđeh sang hră, kñăm bi mguôp kjăp kơ bruă gang mkhư̆ klei ruă tưp, rơ̆ng kơ bruă mtô mjuăt bi hriăm.

Pô mblang: Y-Ƀel Êban