Gia Lai leh anăn Ratanakiri (Campuchia) lŏ dơ̆ng hyuă kjăp hĭn klei bi hgŭm
Thứ sáu, 10:30, 27/10/2023
VOV Tây Nguyên
VOV Tây Nguyên
VOV4.Êđê-Aguah mbrue (26/10) ti ƀuôn prŏng Pleiku mkŏ mjing leh klei bi kƀĭn ksiêm wĭt klei hgŭm bruă plah wah bruă mặt trận čar Gialai hŏng bruă mặt trận čar Ratanakiri ala mtao Campuchia.
Wưng thŭn 2018 – 2022, čar Gia Lai lehanăn čar Ratanakiri čŏng bi mguôp leh kjăp hlăm bruă mdrơ̆ng hŏng klei ruă tưp Covid-19 dlông rŏng lăn hŏng klei tŭ dưn leh, răng mgang kjăp klei êđăp ênang ti knông lăn, răng mgang kjăp klei duaih pral kơ mnuih ƀuôn sang, krơ̆ng bruă mđĭ kyar klei duh mkra….
Dua boh čar lŏ bi mguôp kjăp hlăm bruă răng mgang klei êđăp ênang ti knông lăn, răng mgang gơ̆ng knông lăn. Ti anôk bi kƀĭn, phung bi ala čar Gilai lehanăn čar Ratnakiri hrăm mbĭt bi trông kơ jih jang bruă bi hgŭm wưng thŭn 2023 – 2025 hŏng mta kñăm ala čar riêng gah jăk siam, thâo bi mguôp djă pioh klei bhiăn jăk mâo leh mơ̆ng đưm, bi hgŭm kjăp hlăm djăp mta./.
Viết bình luận