VOV4.Êđê - Hruê kăm  bi hdơr 90 thŭn hruê mkŏ mjing čar Gia Lai mĭn tĭng mkŏ mjing mơ̆ng hrue 19/5 truh jih hruê 25/5/2022, hŏng lu bruă ngă msĕ si: tŭ mă leh anăn hưn mdah mnơ̆ng kriê pioh mơ̆ng lăn êa dliê kmrơ̆ng, mnơ̆ng kriê pioh hƀuê ênuk dhar kreh êdah êdi ti čar; klei bi kƀĭn “Mkŏ Lăn Dap Kngư” hŏng akŏ: “Mđĭ kyar bruă lŏ hma hơĭt kjăp krĭng Lăn Dap Kngư leh anăn mkŏ ênoh yuôm mnơ̆ng dhơ̆ng lŏ hma”, Klei bi kƀĭn mtrŭt mjhar duh bi liê čar Gia Lai:; “Knăm rang mdah mnia blei leh anăn hưn mthâo mnơ̆ng dhơ̆ng OCOP krĭng lăn Dap Kngư - Gia Lai”.

Hlăm klei bi kƀĭn anei, klei bi kƀĭn mtrŭt mjhar duh bi liê ti čar dưi mprăp jăk snăk. Nguyễn Hữu Quế-  Khua Knơ̆ng bruă hdră kčah duh bi liê čar Gia Lai brei thâo: čiăng dưi mkŏ Lăn Dap Kngư leh anăn dưi mđĭ kyar hơĭt kjăp, snăn bruă klam phung duh bi liê yuôm bhăn snăk. Kyua anăn, Gia Lai dôk gĭr mkra mlih hră mơar, hrăm mbĭt hŏng anôk bruă duh mkra hlăm bruă msir mgaih klei dleh dlan, mjing wăl duh bi liê mnia blei jăk čiăng drông dŭm anôk bruă duh mkra mrâo duh bi liê hlăm čar.

H’Zawut pô mblang