Gia Lai dôk mŭt hlăm yan không, lu ênhă dliê dôk ti hnơ̆ng hưn brei răng gưl V- jing gưl huĭ hyưt hĭn. Dŭm pô dliê leh anăn dŭm alŭ wăl ti čar ăt dôk pŏk ngă hdră msir mdrơ̆ng bi djŏ guôp. Hlue si klei yap, kluôm čar Gia Lai ară anei mâo 286 krĭng phŭn mâo klei huĭ hyưt pui ƀơ̆ng dliê gưl V, hŏng ênhă êbeh  124.000 ha, lu jing dliê pla, dliê hrông leh anăn dliê kyâo rưng luh hla.

Trương Văn Nam, Khua adŭ bruă kriê dlăng răng mgang dliê, Anôk bruă dliê kmrơ̆ng čar Gia Lai brei thâo, dŭm alŭ wăl leh anăn anôk bruă pô dliê dôk pŏk ngă hdră mdrơ̆ng, hlue si hdră msir dưi mkŏ mjing leh mơ̆ng akŏ yan không.