Hlăm anăn mâo bruă čuăn – hdră bi liê ngăn prăk pral hĭn kơ klei duh mkra kluôm. Tui si klei hâo mdah ti anôk bi kƀĭn, hnơ̆ng đĭ kyar bruă duh mkra čar Gia Lai 6 mlan êgao truh 5,54% mkă hŏng wưng anei thŭn dih. Jih jang ênoh čuăn kơ knơ̆ng prăk, klei tuh tia đĭ kyar, lu anôk duh mkra lŏ wĭt ngă bruă, lehanăn ênoh bruă mprăp kơ klei duh mkra đĭ nanao mơh, bruă hiu čhưn ênguê mâo leh klei bi mlih jăk.

Siămdah lu alŭ wăl hlăm čar Gia Lai ăt dôk tuôm hŏng lu klei dleh dlan, klei duh bi liê ngăn prăk adôk êmưt, êmưt hlăm klei ba jao lăn, klei ngă dŭm bruă ala čar kñăm bŏ hŏng klei êmưt, jih mlan 6 čar knŏng mrâo bi liê mil 14%. Anei ăt jing klei tui si knơ̆ng bruă sang čư̆ êa čar Gia Lai lehanăn dŭm knơ̆ng dhar bruă hlăm čar dôk mđing mghaih msir hlăm wưng tinăp. Knơ̆ng bruă sang čư̆ êa čar Gia Lai ăt mkŏ mjing leh truh 3 êpul nga bruă nao ksiêm, mtrŭt mjhar, mghaih msir mtam dŭm mta klei adôk ka djŏ./.