Ti anôk trông čhai hlăm sang bi kƀĭn, phung bi ala mâo lu klei blŭ, khădah knơ̆ng bruă sang čư̆ êa čar mkŏ mjing leh lu êpul ksiêm dlăng, ruh mgah klei dleh dlan, ƀiădah hrue mbrue 7/21 ênoh čuăn klei duh mkra ala ƀuôn thŭn 2023 mơ̆ng čar Gia Lai amâo mâo djăp ôh. Kyuanăn, dŭm dhar bruă djŏ tuôm bi mâo hdră êlan ngă bruă. 

Phạm Minh Trung- Khua knơ̆ng bruă ngăn dŏ – wăl hdĭp mda čar Gia Lai ăt bi trông, ngă bi mngač dŭm klei dleh dlan hlăm klei êpul hgŭm djă yua lăn, tă êlan kiă kriê   wăl hdĭp mda anôk rông mnơ̆ng, kčĕ kơ klei bi mklă lăn ala knŭk kna duh bi liê. Lehanăn mtă kơ dŭm alŭ wăl ngă bi pral jih jang bruă mkăp lăn kơ mnuih ƀuôn sang, dôk hlăm hdră lăn čar kñăm mđĭ kyar bruă duh mkra ala ƀuôn krĭng mnuih djuê ƀiă./.