VOV4.Êđê- Đoàn Ngọc Có, k’iăng khua knơ̆ng bruă lŏ hma čar Gialai brei thâo, ară anei, ênhă pla mjing ti čar Gialai êbeh 550 êbâo 590 ha msĕ si mnơ̆ng pla phŭn msĕ si Kphê, ksu, tiu, boh kroh, ana êa drao, mdiê, hbei ƀlang, kbâo, ktơr lehanăn djam mtam. Hlăm dŭm thŭn giăm anei, bruă lŏ hma Gialai mâo klei tŭ dưn êbeh 30 êbâo êklai prăk/thŭn, hlăm anăn, bruă pla mjing êbeh 26 êbâo 140 êklai prăk.

Čiăng lŏ mkŏ mjing kjăp bruă lŏ hma, dŭm thŭn êgao čar Gialai bi mlih leh dŭm pluh ha mnơ̆ng pla amâo lŏ jing, bi pla dŭm mta ana djŏ guôp hĭn. Kluôm čar ară anei mâo hlăm brô 231 êbâo ha djăp ênoh čuăn, mâo klei bi hgŭm mnia mblei boh mnga. Tui si Đoàn Ngọc Có, wưng kơ anăp, čar lŏ dơ̆ng ngă lu hdră mđĭ hĭng klei tŭ dưn boh mnga mâo, mđing dưi čhĭ kơ ala tač êngao./.

         Pô mblang: Y-Khem Niê