Gia Lai mdơ̆ng 9 hdră mkŏ anôk dôk mrâo mjêč
Thứ năm, 10:36, 04/12/2025
VOV TAYNGUYEN
VOV TAYNGUYEN
VOV.Êđê- Knơ̆ng bruă sang čư̆ êa čar Gia Lai mrâo ba mdah Asăp mtrŭn rŭ mdơ̆ng mjêč 8 hdră mkŏ anôk dôk mrâo lehanăn 1 hdră bi mguôp čiăng mkŏ anôk dôk mrâo ti dŭm krĭng kreh mâo yan adiê ngă ti nah Ngŏ čar.
Dŭm krĭng mkŏ anôk dôk mrâo srăng dưi pŏk ngă ti să Cát Tiến, Đề Gi, Phù Mỹ Đông, Phù Mỹ Bắc, An Hòa lehanăn ƀuôn hgŭm Quy Nhơn Đông, kñăm rơ̆ng anôk dôk êđăp ênang kơ gŏ sang nao mbĕ anôk dôk leh gưl adiê hjan êa lip mrâo êgao. Ênoh prăk duh kơ 9 hdră bruă anei êbeh 178 êklai prăk, mă mnơ̆ng ngăn prăk Knŭk kna lehanăn dŭm phŭn mkăp prăk djŏ hdră bhiăn mkăn.
Anôk kriê dlăng hdră Lŏ hma lehanăn Mđĭ kyar krĭng ƀuôn sang čar Gia Lai mâo jao ngă pô duh bi liê, hluê ngă hdră ruah anôk bruă mkra lehanăn bi leh hră mơar djŏ hdră bhiăn. Hdră anei dưi pŏk ngă wưng thŭn 2025 – 2026, hŏng mta kñăm mtrŭt mđĭ bruă bi hơĭt klei hdĭp, krŭ wĭt bruă pla mjing lehanăn bi hrŏ klei luič liê kơ mnuih ƀuôn sang kreh mâo klei yan adiê ngă./.
Viết bình luận