Anei jing mta phŭn dưi ba mdah ti anôk bi kƀĭn Êpul gơ̆ng bruă ƀuôn sang čar Gia Lai aguah hruê 1/10. Hluê klei hưn mơng Anôk bruă sang čư̆ êa čar Gia Lai, truh kơ ară anei, ênoh mkăp prăk duh bi liê knŭk kna ti čar knŏng mâo 31,2%, ƀiă hĭn hnơ̆ng kah knar kluôm ala.

Lu alŭ wăl, dhar bruă mkăp prăk duh bi liê êmưt. Hlăm anăn, Knơ̆ng bruă Lŏ hma mđĭ kyar krĭng ƀuôn sang, Knơ̆ng bruă mdrao mgŭn, Knơ̆ng bruă Dhar kreh – mjuăt ktang asei mlei lehanăn hiu čhưn ênguê, ênoh mkăp ka truh 10%. Mta phŭn ngă klei anei jing kpăk gun hlăm bruă čiu hnô anôk ala, kƀah mnơ̆ng yua rŭ mdơ̆ng, lu hdră bruă dôk mprăp lehanăn dôk mkra wĭt./.