VOV4.Êđê - Hruê mbruê, bruă Đảng čar Gia Lai ba mdah klei bi klă kơ bruă mkŏ mjing Êpul gĭt gai bruă gang mkhư̆ klei ƀơ̆ng ngăn, klei amâo mâo jăk čar. Hluê anăn, Êpul gĭt gai anei mâo 15 čô, hlăm anăn Hồ Văn Niên, khua bruă Đảng čar, Khua kiă kriê êpul gơ̆ng bruă ƀuôn sang jing khua êpul, Rah Lan Chung, k’iăng khua bruă Đảng čar, khua êpul kiă kriê bruă knuă čar jing k’iăng khua êpul gĭt gai. Êpul anei mâo bruă klam đru kčĕ, đru kơ êpul khua bruă Đảng čar gĭt gai leh anăn ngă bruă gang mkhư̆ klei ƀơ̆ng ngăn, klei amâo mâo hlăm čar, hluê si klei bi klă mrô 67-QĐ/TW, hruê 2-6-2022 Êpul khua bruă Đảng kơ klei ngă bruă, bruă klam, klei dưi, hdră mă bruă, klei bi mguôp ngă bruă mơ̆ng Êpul gĭt gai bruă gang mkhư̆ klei ƀơ̆ng ngăn, klei amâo mâo jăk gưl čar, ƀuôn prŏng hlăm gưl dlông.

Y-Ƀel pô mblang