Hluê si êpul gĭt gai mtrŭt mjhjar klei myơr êrah čar Gia Lai, Mơ̆ng akŏ thŭn truh kơ ară anei, kluôm čar mkŏ mjing leh 45 gưl myơr êrah, tŭ mă êbeh 9000 hnơ̆ng êrah doh, mâo 57% hdră kčah mơ̆ng êpul mtrŭt mjhar kčah jao. Hlăm gưl myơr êrah anei, Êpul mkŏ mjing mâo leh hnơ̆ng čuăn mâo mă ƀiă êdi 600 hnơ̆ng êrah kñăm đru bi mâo djăp hnơ̆ng êrah dŏng mdrao leh anăn mdrao mgŭn hlăm wưng yan hlơr.

Wưng anei, khua bruă sang čư êa čar Gia Lai mđup brei hră pah mni kơ 5 êpul êya, 7 čô mao bruă tŭ dưn hĭn hlăm bruă myơr êrah wưng thŭn 2022 – 2023. Êpul gĭt gai mtrŭt mjhar klei myơr êrah mđup brei hră pah mni kơ 12 êpul êya, 8 gŏ sang, 28 čô mâo boh tŭ dưn hlăm bruă mtrŭt mjhar klei myơr êrah.