Bruă ksiêm duah, bi klin, bi mklă anăn djuê klang phung êngiă asei adôk kƀah klei hâo hưn hlăm thŭn 2023 leh anăn 6 mlan akŏ thŭn 2024 mâo dŭm gưl, dhar vruă mơ̆ng čar Gia Lai pŏk ngă jăk, tŭ dưn. Mơ̆ng thŭn 2023 truh ară anei, Êpul K52 (Adŭ bruă kđi čar, Anôk bruă gĭt gai lĭng kahan čar Gia Lai) duah ƀuh leh 21 klang phung êngiă asei, mđĭ ênoh klang ba wĭt kơ ala čar mơ̆ng thŭn 2001 truh ară anei 1.489 klang phung êngiă asei.

Ti čar Gia Lai, mơ̆ng thŭn 2023 truh ară anei ƀuh leh 26 klang phung êngiă asei. Anôk bruă gĭt gai 515 bi mklă, bruă tui duah klang phung êngiă asei hlăm wưng kơ anăp srăng ƀrư dleh dlan hĭn kyua klei hâo hưn kơ msat phung êngiă asei ƀrư̆ ƀiă, dŭm alŭ wăl mâo klei hâo hưn kơ msat phung êngiă asei mâo klei bi mlih, phung thâo anôk ba dơr phung êngiă asei ară anei amâo lu ôh.