Ti Gia Lai, hlăm aguah mbrue 27/6, bruă êdam êra čar Gia Lai mkŏ mjing leh bruă trŭn kơ bruă “kăp kčĕ đru hđeh nao bi lông” thŭn 2023 hŏng phung ba anăp čiăng đru ti 40/41 anôk bi lông.

 Bruă anei mâo truh  310 čô phung ba anăp nao đru mơ̆ng hrue 27/6 - 29/6, hŏng dŭm mta bruă ngă: Kăp đru phung hđeh hriăm hră dôk hlăm klei dleh dlan, hưn mthâo brei sang jưh dôk amâo mâo liê prăk ôh, amâodah hŏng ênoh êlưih, hưn anôk huă ƀơ̆ng êlưih lehanăn doh, đru êa mnăm ti dŭm anôk bi lông, kăp đru kčĕ, ktrâo êlan nao bi lông. Bi mguôp hŏng dŭm êpul bruă djŏ tuôm mbha êlan hŏng klei êđăp ênang ti dŭm anôk bi lông./.