VOV4.Êđê- Aguah hruê 19/5, ti Wăl tač prŏng Bi hgŭm mguôp, bruă Đảng čar, Êpul gơ̆ng bruă ƀuôn sang, Anôk bruă sang čư̆ êa, Dhar bruă mặt trận čar Gia Lai mkŏ mjing leh Knăm mđĭ hla čhiăm gru ƀri bi hdơr 132 thŭn hruê kkiêng Khua gĭt gai Hồ Chí Minh (19/5/1890-19/5/2022) lehanăn 90 thŭn Hruê mkŏ mjing čar Gia Lai (24/5/1932-24/5/2022).

Hlăm ai êwa mpŭ, hla čhiam gru mâo leh êpul kahan djă phao ktuang čar Gia Lai djă ba mŭt hlăm krĭng ngă knăm mđĭ hla čhiăm gru. Ti knăm anei, êpul kahan djă phao ktuang čar Gia Lai nao trŭn ruê̆ kahan găn Knưng bi hdơr Awa Hô hŏng dŭm djuê ana Lăn dap kngư. Bi êdah sa êpul kahan kjăp ktang, knhăk, amâo mdei đĭ hriê kơ prŏng, sĭt suôr hŏng Đảng, hŏng hdră bruă krŭ kdơ̆ng mơ̆ng djuê ana. Leh knăm mđĭ hla čhiăm gru, phung khua kiă kriê čar Gia Lai mkŏ mjing leh knăm myơr mnga, čuh brui mngưi bi hdơr kơ Awa Hô./.

                                                    Pô mblang: H’Nêč Êñuôl