VOV4.Êđê- Tlam 12/8, Knăm mơak jih jang mnuih ƀuôn sang răng mgang čar kwar thŭn 2022 mâo čar Gia Lai mkŏ mjing ti 2 kdriêk Čư̆ Pah leh anăn Phú Thiện, Mơ̆ng akŏ thŭn anăp anei, ti čar Gia Lai, boh klei phung ngă soh hrŏ jih kơ ênoh mnuih djiê leh anăn êka. Hlăm anăn, ênoh ksiêm ƀuh klei soh kjham, kjham êdi mâo 93,5%.  Hdră mkŏ mkra hdră jih jang mnuih ƀuôn sang răng mgang klei êđăp ênang čar kwar amâo mdei mlih mrâo wăt boh phŭn hŏng hdră, iêo jak lu mnuih ƀuôn sang hgŭm.

Anăp anei, kluôm čar mâo 550 gưl mnuih ƀuôn sang, alŭ, sang hră, anôk bruă duh mkra hŏng 50.450 čô mnuih hgŭm hlăm hdră, đru yuôm bhăn hŏng dŭm  êpul bi kdơ̆ng, gang mkhư̆ phung ngă soh, rơ̆ng klei êđăp ênang. Hlăm wưng kơ anăp, Anôk bruă gĭt gai gang mkhư̆ phung ngă soh leh anăn mkŏ mjing hdră jih jang mnuih ƀuôn sang răng mgang čar kwar čar Gia Lai čang hmăng dŭm anôk bruă, alŭ wăl lŏ dơ̆ng mkŏ mjing jăk hdră bruă ti ƀuôn sang, hâo hưn mtrŭt mjhar mnuih ƀuôn sang đru gang mkhư̆ bi rai klei mĭn phung roh, bi kdơ̆ng gang mkhư̆ phung ngă soh, mđĭ ktang klei bi hgŭm jih jang ƀuôn sang.

Pô mblang: H’Zawut Ƀuôn Yă