Klei bi lông gưl 3 ala čar thŭn anei, kluôm čar Gia Lai mâo êbeh 15.200 čô čih anăn bi lông; hlăm anăn mâo giăm 14.300 čô hlăm sang hră gưl 3, 483 čô phung hlăm anôk mtô bi hriăm nanao, adôk jing phung hđeh ti êngao. Hlăm ênoh hđeh bi lông mâo êbeh 14.000  čih anăn hrŏng ruah mŭt hriăm gưl prŏng, gưl krah. Mprăp kơ klei bi lông, čar Gia lai mâo leh hdră hŏng 41 anôk bi lông klă sĭt, đĭ 1 adŭ mkă hŏng thŭn 2022 leh anăn 17 anôk mkăp hŏng 652 adŭ bi lông, iêô jăk hlăm brô 2.500 knuă druh, nai mtô hgŭm hlăm dŭm anôk bi lông.

Nguyễn Văn Long, K’iăng Khua Knơ̆ng bruă sang hră leh anăn mtô bi hriăm čar Gia Lai brei thâo, ară anei Knơ̆ng bruă gĭt gai dŭm sang hră bi leh hdră mtô bi hriăm hlue si hdră kčah.