Knơ̆ng bruă sang čư̆ êa čar Gia Lai mtă kơ jih jang êpul êya djŏ tuôm tiŏ nao mnuih lehanăn êdeh êdâo kăp dŏng đru, tal êlâo jing răng mgang kơ klei hdĭp anak mnuih. Dhar bruă djŏ tuôm hlăk dôk mkra wĭt dŭm anôk jhat rai msĕ si hlăm êlan klông knơ̆ng mbông êa, êlan klei pui kmlă, êlan dăng kông, sang hră mơar, sang êa drao gŭn, lehanăn mkŏ mjing dŭm anôk kdê dôk bi hơĭt, rơ̆ng kơ jih jang klei hdĭp aguah tlam bi hơĭt kơ mnuih ƀuôn sangleh luič pưk sang kyua angĭn êbŭ mrô 13 lehanăn gưl êa lip leh êgao.

Lĭng kahan, kahan răng mgang knông lăn, lehanăn kahan ksiêm trŭn nao mtam đru mnuih ƀuôn sang đuĕ mơ̆ng anôk huĭ hyưt, bi dŏng đru, mbĕ đuĕ kơ anôk êđăp ênang, lehanăn gang mkhư̆ kơ klei ruă tưp.  2 gưl yan adiê ngă leh êgao ti Gia Lai mâo 5 čô mnuih djiê, 11 čô mnuih êka, êbeh 100.000 boh sang jhat rai, lu ngăn dŏ, lehanăn knơ̆ng mbông êa jhat rai... ênoh luič liê jih jang hlăm brô 12 êbâo êklai prăk./.