Hluê ngă Hdră mtrŭn mrô 57 mơ̆ng Phŭn bruă kđi čar kơ hdră mlih mrô, čar Gia Lai mđing mkra mđĭ anôk bruă nah gŭ lehanăn mprăp klei thâo kdrăp mrô kơ phung knuă duh, mnuih mă bruă lehanăn mnuih ƀuôn sang, boh nik ti dŭm krĭng taih kbưi, krĭng mnuih djuê ana ƀiă.

Truh ară anei, dhră bi mlih mrô ba wĭt leh boh tŭ dưn jăk siam. Mơ̆ng hruê 1/7, Knơ̆ng bruă sang čư̆ êa čar Gia Lai mprăp leh anôk bruă, kdrăp mnơ̆ng, êlan Internet ti 135 să, ƀuôn hgŭm leh bi mŭt mbĭt, rơ̆ng hdră tŭ mă, msir mghaih hră mơar kơ mnuih ƀuôn sang. Êpul kdrăp mrô ala ƀuôn dưi krơ̆ng kjăp ti dŭm să, ƀuôn hgŭm, čar Gia Lai đru leh kơ knuă druh sa ƀăng bhă lehanăn ktrâo lač kơ mnuih ƀuôn sang ba yua hră ngă bruă online. Bruă pŏk ngă mđrăm mbĭt mjing leh klei bi mlih hlăm hdră kriê dlăng, mkra mlih bruă ngă hră mơar, mbĭt anăn mđĭ klei thâo săng hlăm êpul êya, mtrŭt mđĭ hdră bi mlih mrô kluôm dhuôm./.