Hlăm knăm mtrŭt mjhar, Êpul mkŏ mjing iêo mthưr leh dŭm gưl bruă công đoàn, dŭm dhar bruă, êpul êya, knơ̆ng bruă, phung mưn mnuih mă bruă hlăm čar mâo dŭm mta bruă klă klơ̆ng sa hŏng hŏng Mlan mă bruă êđăp ênang leh anăn mlan mnuih mă bruă mơ̆ng hruê 1 – 31/5. Dŭm knơ̆ng bruă, êpul êya kñăm hluê ngă dŭm bruă kriê dlăng, bi hơĭt klei găl mă bruă, gang mkhư̆ klei truh êjai mă bruă leh anăn klei ruă duam, kriê dlăng klei suaih pral kơ mnuih mă bruă, rơ̆ng klei êđăp ênang kơ mnuih mă bruă.

Mlan mnuih mă bruă thŭn 2023 hŏng akŏ “Mkŏ mnuih mă bruă, mkŏ mjing êpul êya”, Êpul hgŭm mnuih mă bruă čar Gia Lai kñăm mkŏ mjing dŭm bruă kriê dlăng kơ phung đoàn viên, mnuih mă bruă msĕ si: Bi mguôp hŏng đa đa knơ̆ng bruă mkŏ mjing anôk rang mdah leh anăn čhĭ mnơ̆ng ênoh êlưih kơ mnuih mă bruă, đru mkă dlăng, drao kole ruă hlăm ală kơ mnuih mă bruă, nao čuă dlăng, đru kơ mnuih mă bruă mâo klei ruă duam, mâo klei truh êjai mă bruă, mâo klei hdĭp dleh dlan./.