Akŏ thŭn truh ară anei, kluôm čar Gia Lai mâo 23 klei mngăt hlăm êa ngă kơ 31 čô hđeh djiê, đĭ lu mkă hŏng wưng anei thŭn dih. Hlue si Knơ̆ng bruă mnuih mă bruă -kahan êka êkeh leh anăn ala ƀuôn čar Gia Lai, klei djiê mngăt hlăm êa dôk dĭ ktang jing klei thâo săng mơ̆ng gŏ sang, êpul êya, ala ƀuôn kơ klei hđeh djiê mngăt hlăm êa adôk kƀah; hđeh kƀah klei ktuê dlăng mơ̆ng phung amĭ ama; hđeh ka thâo luê, kƀah klei thâo hlăm êa, kƀah tač hlăp kơ hđeh, boh nik krĭng taih kbưi, krĭng ƀuôn sang.

Hlue si Võ Như Minh Quang,  Khua adŭ bruă răng mgang, kriê dlăng phung hđeh leh anăn klei mtăp mđơr êkei mniê - Knơ̆ng bruă mnuih mă bruă kahan êka êkeh leh anăn ala ƀuôn čar Gia Lai, hŏng bruă mđĭ bi hriăm luê kơ hđeh, grăp gŏ sang ăt brei kriê dlăng bruă hđeh hlăp lêñ, boh nik hlăm gưl mdei prŏng./.