VOV4.Êđê - Aguah mbruê 14/6, ti ƀuôn prŏng Pleiku, čar Gia Lai mkŏ mjing leh klei kƀĭn Pah mni phung myơr êrah thŭn 2022. Hluê si êpul gĭt gai mtrŭt mjhar klei myơr êrah čar Gia Lai, mơ̆ng akŏ thŭn 2021 truh kơ ară anei, čar Gia Lai dưi mkŏ mjing 125 gưl myơr êrah, tŭ mă giăm 24 êbâo hnơ̆ng êrah.

Dŭm hdră prŏng msĕ si: Knăm yan mnga hrah, hruê jih jang mnuih ƀuôn sang nao myơr êrah, Dŭm aruăt êrah hrah yan hjan, bruă ngă hrah dưi iêo mthưr dŭm êbâo čô knuă druh, mnuih mă bruă knŭk kna, hđeh êdam êram leh anăn mnuih ƀuôn sang čar Gia Lai nao hgŭm, mơ̆ng ară anei truh kơ jih thŭn 2022, čar Gia Lai lŏ dơ̆ng gĭr ktưn rơ̆ng grăp mlan mâo 3 truh kơ 4 gưl myơr êrah, lŏ dơ̆ng ngă bruă hâo hưn, mkŏ mjing êpul myơr êrah, dŭm êpul bi mguôp myơr êrah. Wưng anei, bruă sang čư êa čar Gia Lai, êpul gĭt gai mtrŭt mjhar bruă myơr êrah mâo leh klei pah mni dŭm êpul êya, grăp čô leh anăn gŏ sang mâo bruă ngă klưn hĭn hlăm klei myơr êrah.

Y-Ƀel pô mblang