VOV4.Êđê- Aguah 29/8, ti ƀuôn prŏng Pleiku, Anôk bruă hâo hưn mtô mblang bruă Đảng čar Gia Lai bi hgŭm hŏng Knơ̆ng bruă Tân Cảng Sài Gòn, kahan êa mkŏ mjing Knăm pŏk ngă klei bi lông “Ksiêm hriăm kơ êa ksĭ, plao ksĭ Việt Nam leh anăn 40 thŭn Klei kuôl kă Êpul hgŭm lu ala čar kơ Hdră bhiăn êa ksĭ thŭn 1982 (10/12/1982 - 10/12/2022)”.  

 Klei bi lông anei dưi mkŏ mjing hlue hdră online, mâo 7 gưl, grăp gưl dua hruê lăm, sui truh hruê 2/12 thŭn anei. Phung dưi bi  lông jing phung knuă drug, phung mă bruă knŭk kna, êdam êra, hđeh sang hră, phung lĭng kahan leh anăn jih jang mnuih ƀuôn sang hlăm kluôm ala. Klei bi lông đru mđĭ klei thâo săng mơ̆ng dŭm gưl mnuih ƀuôn sang, boh nik ênuk hđeh mrâo kơ êa ksĭ, plao ksĭ Việt Nam leh anăn bruă klam mơ̆ng êa ksĭ, plao ksĭ hlăm bruă mkŏ mjing leh anăn răng mgang čar kwar./.

Pô mblang: H’Zawut Ƀuôn Yă